E 31 tausaga o se alii mai le afioaga o Solosolo ua molia nei i le avetaavale mata’utia ua mafua ai le maliu o se tamā matua 78 tausaga le matua.
I lipoti a le TV1 Samoa na faamaonia ai e le Sui Komesina o Leoleo Auapaau Logoitino Filipo, o le tamā matua mai Vaimoso ma Tufutafoe sa savalivali i autafa o le auala ae faate’ia ai le so’a e se taavale e masalomia le saoasaoa tele.
O le vaiaso na te’a nei na tula’i mai ai lea faalavelave mata’utia i Vaimoso.
O le aso 11 o le masina o Iulai o le a tula’i ai le avetaavale o le taavale na lavea ai si tamā matua i luma o le faamasinoga e tali ona moliaga.
