Ua ripotia mai le tino maliu o se taule’ale’a na maua i lona fale i Palisi masalomia na faaoolima ai se tasi ma uma ai lona ola.
O lenei faalavelave na tulai mai i le faaiuga o
le vaiaso ao fai se inuga ava malosi a lē uma maliu ma lē ua molia i le po o le Aso Toonai. Taua e le Sui Komesina o le Matagaluega o
Leoleo Auapaau Logoitino Filipo o alii Ia e toalua na fai se la evaga e aofia ai le ava malosi ma i’u ai i se feeseeseaiga.
O loo masalomia i le maea ai o lea feeseeseaiga a alu le o loo tuuaia i le fale o lē ua maliu ma tā le ulu o lea taule’ale’a i se uamea (sei tulou) ao moe lea alii i lona fale.
Faaalia e le Sui Komesina o loo faaauau pea suesuega i lea mataupu ma ua molia lē ua tuuaia i moliaga o le fasioti tagata faamoemoe ina. O loo taofia nei lea alii i le falepuipui i Tanumalala e tālia ai lona tulai i le faamasinoga maualuga e tali i ona moliaga.
