E 39 tausaga o se alii o le a tula’i i le faamasinoga ina ua feta’ua’ina sa ia ave atu se taavale i le itu sese o le motorway i Aukilani a o taumulimuli ai le vaalele helicopter a leoleo.
O le satini sinia mai le ofisa i Waitemata, Roger Small na ia faailoa i le televise tasi na logoina leoleo i se taavale i le State Highway 1 i le itu i Saute o Wellsford e feta’ua’ina o loo faaaogā ni laisene gaoia e tusa lea poo le te’a o le 4 i le vaveao analeila.
Na mulimulita’i ai le helicopter a leoleo seia oo ina alu ese ma le motorway i Dairy Flat i se saosaoa lē faatagaina.
E lei tulia e leoleo ae na faatulaga a latou sipaika i le alatele e lata i Greville Rd lea na ui tonu atu iai le alii lea i se taimi mulimuli ane ma pu’e ai loa e leoleo.
O le asō e tula’i ai i le faamasinoga i North Shore e tali i ona moliaga.
Fai mai leoleo o ituaiga gaioiga faapea e ono tutupu ai faalavelave ogaoga ma aafia atu ai fua ma nai isi tagata o loo faaaogāina le alatele.
Puna o Faamatalaga: https://www.1news.co.nz/2024/08/23/man-in-custody-after-car-driven-the-wrong-way-on-auckland-motorway/
