Molia ni alii ma ni tamaitai i le umia o fualaau faasaina

E to’a valu i latou ua loka ma ua nofo taofia i le vaaiga a leoleo e faatali ai suesuega o loo faagasolo i le 19 kalama le mamafa o le pauta faasaina o le aisa na maua i se osofaiga a leoleo i le faaiuga o le vaiaso na tea nei. 

O se aiga i le auala o le Maali Street i Vaitele na osofaia muamua e leoleo i le masina o Iulai o le tausaga nei ma maua iai ni laau malosi faapea mariuana ma mea faitino o paipa e ula ai le aisa lea na toe osofai ma maua ai se vaega o lea pauta faasaina. 

O le to’a valu ua taofia ua faailoa e le Sui Komesina o Leoleo susuga Auapaau Logoitino Filipo ua aofia ai alii e to’a 6 i le matutua i le va 40-50 tausaga ma tamaitai talavou e to’alua o le la matutua e i le va o le 20-30 tausaga.

O le faaiuga o Ianuari o le tausaga fou e faatoa valaau ai moliaga o le umia o nakoti poo le possession of narcotics ua molia ai e leoleo i latou ia e to’a valu ae ua nofo taofia pea i le vaaiga a leoleo ma fai aso fiafia ai i le falepuipui i Tanumalala.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required