Molia le tamaititi 15 tausaga i le fasioti tagata

Ua molia e leoleo se talavou e 15 tausaga ile fasioti tagata i le maea ai ole maua ose tama e 62 tausaga ua maliu I totonu o se taavale na lavea i Northland.

Lipoti mai le ZB ua taua ai o le aso e tulai ai le talavou I luma o le faamasinoga o talavou I Kaikohe ona o lenei faalavelave.O le ua maliu o Michael John Biggins pei ona faailoa e leoleo ma o loo faailoa le mafatia o si ona aiga ile faalavelave ua tulai mai.

O le po o le aso Gafua o le vaiaso nei na tupu ai le faalavelave na lavea ai le taavale lea ma na maliu ai lava Biggins I le vaega na lavea ai le taavale e ui i taumafaiga e faasao lona soifua.

Fai mai le lipoti o loo faatalanoa e leoleo nisi o tamaiti pe a ma le tai 12 tausaga ma o loo iai pea le taavale I le nofoaga na tupu ai le faalavelave ao faagasolo suesuega a leoleo.

Fia maua e leoleo nisi o le atunuu e silafia nisi faamatalaga I lenei faalavelave ia vave fesootai ane ia I latou poo le Crimestoppers.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required