Search
Search
Photo Credit: Newshub

Molia le tamā 56 tausaga na taumafai e ave faamalosi le tamaitai aoga i Aukilani

E 56 tausaga le matua o le tamā ua molia nei i lona taumafai e ave faamalosi le tamaitai aoga i Sisifo o Aukilani i le lua vaiaso talu ai.

O le aoauli o le Aso Lua, aso 19 o Mati lea e faapea na taumafai ai lē ua molia e toso faamalosi i totonu o lana taavale lē na aafia i Titirangi.

Mai lea taimi e oo mai i le Eseta, ua faamaonia mai e leoleo o lea na maua i le faaiuga o le vaiaso faatoa uma atu lea tamā ma o lea na fesoasoani molimau a tagata lautele i le sailiga.

I se tala lata mai leoleo e ono iai nisi moliaga faaopoopo i lē ua molia, ona e talitonu e iai foi isi tuuaiga faapenei faasaga i lē ua molia i totonu o masina ua mavae ma o lea ua toe valaau mai ai i tagata lautele e fesootai atu pe a silafia.

O le Aso Faraile e tulai ai lē ua molia i luma o le Faamasinoga Faaitumalo i Waitakere.

Tala sili ona faitaulia

SAMOA UPDATE

PODCAST

Listen on

Tala mai samoa

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required