O sukalati gaoi mai le supamaketi i le taulaga i Aukilani lea na maua e leoleo ua toe faatau i se tasi o faleoloa i tua.

I suesuega nei a leoleo ua molia ai le tamā e 42 tausaga e fai lona faleoloa i Central Auckland ma o lea ua molia i lona talia o oloa gaoi.

I lipoti mai leoleo o le aso lava na gaoia ai lea na toe maua ai i le faleoloa o lē ua molia ma e silia ma le 50 poloka sukalati na toe maua i le Aso Faraile.

Ua toe faamanatu mai ai leoleo i tagata faipisinisi e mataalia i oloa o loo toe o atu tagata ma faatau atu i ni tau maualalalo, ona o nisi oloa na ono maua mai i auala eleelea.

O le tamā ua molia e tu i luma o le Faamasinoga Faaitumalo i Aukilani i le aso 7 o Iuni.

Puna o Faamatalaga: https://www.1news.co.nz/2024/05/20/whittakers-latest-target-of-auckland-chocolate-crime-spree