Sui Komesina o Leoleo - Auapaau Logoitino Filipo

Molia le alii Satini ua lavea ai le taavale a le Vaega o Taavale Afi

Tusia: Maina Misa Fomai-Vai 

Ua faamaonia mai e le Afioga Auapaau Logoitino Filipo, o le Komesina Lagolago o le Matagaluega o Leoleo le molia ai o se alii satini ina ua lavea ai se taavale a le Matagaluega o Leoleo i le Vaega o le Traffic. 

O le Faalavelave na tula’i mai i le po anapo i le afioaga o Tanugamanono, o loo faapea mai le Komesina lagolago o loo tau sailia poo le ā le mafuaaga o le lavea ai o le taavale, ma o loo masalomia pe ua moe le alii satini. 

O molimau na iai i le taimi na tupu ai le faalavelave o loo faapea mai e faasuaava le alii leoleo. E lei mafai ona faamautuiina mai e le Komesina Lagolago le moliaga ua molia ai le malu o le malo, ma e lē o mafai foi ona faailoa le suafa i le taimi nei ona o loo faaauau su’esu’ega a leoleo i lea mataupu. 

O loo maua o le taavale sa tuua le ofisa mo le malagga atu i le Uafu i Mulifanua i le 12 i le aoauli ananafi e momoli nisi o le aufaigaluega, peitai e faate’ia i le ta o le 6 i le afiafi ae aumai le tala ua lavea i Tanugamanono. O loo faaauauina su’esu’ega a leoeo i lea mataupu. 

Scroll to Top

Keep uptodate with Radio Samoa activity & promotion

* indicates required