E nao le 16 tausaga ose tamaititi ua molia nei I le fasioti tagata ma o le a tulai I luma o le faamasinoga o tamaiti I le ACT ile maea ai o se faalavelave o loo fetauaina le faaoolima I seisi talavou I se tasi o paka I Canberra I le masina na tea nei.

Fai mai leoleo na feiloai le toalua lea I le paka ile maea ai o nisi o faamatau na faia e leisi I leisi I luga o upega o fesootaiga ma malilie ai e fetaui I le paka. Fai mai le ofisa o leoleo sa malilie I laua ia e fetaui ile paka. O loo fetauaina e faapea sa potopoto ane ai ma nisi tagata talavou ma alu ane ai ma le talavou lea 16 tausaga ma se auupega o se naifi tulou ma faaoolima ai I le na aafia. Fai mai leoleo o le a faia isi moliaga ogaoga ile mataupu lea ma o loo faaauau pea le suesuega. O tau faamatau ma faiga faamalosi e faia I luga o upega o fesootaiga e mafai ona vave ona oo ise tulaga ogaoga ma ua unaia ai tagata ina ia talosagaina se fesoasoani pe afai e aafia I ia tulaga., e ono faasaoina ai le soifua