Fai mai o lea ua molia le tamaitiiti i le taupulepule e fasioti le tagata faigaluega a le Coles i Kuiniselani.
E na o le 13 tausaga o le tamaitiiti sa ia tui se’i tulou le patua o se tamaitai faigaluega a le Coles i le taulaga faatau i Ipswich Kuiniselani.
O le faamatalaga a leoleo poo le te’a o le 5 i le afiafi ananafi na tupu ai lea faalavelave i le Coles i Warwick Rd.
Na maua atu iai le tamaitai 63 tausaga i ni manu’aga tigaina.
Na ave atu i le falema’i ma faia iai togafitiga ae pu’e ai loa e leoleo le 13 tausaga lea ma molia ai i le taupulepule e fasioti e tagata.
O le asō e tula’i ai i le faamasinoga a o su’esu’e ai e leoleo le mafua’aga o le faalavelave.
Puna o Faamatalaga: https://www.9news.com.au/national/13-year-old-arrested-after-woman-stabbed-in-yamanto-ipswich-queensland/d149e128-ee2a-4708-9595-44572ed2902d
