Ua molia e leoleo se alii ile maea o se faalavelave na maua atu ai se tina talavou e toatolu si ana fanau mai South Australia ua maliu I totonu o lona fale ma fetauaina le alii lea sa o la faauo. O Synamin Bell 26 tausaga na maua atu ua maliu I lona fale I itu I matu I sisifo o Mt Gambier ile faaiuga o le vaiaso.
Maua atu e leoleo lona tino maliu ina ua maea ona maua ane se valaau mo se suesuega ona o lipoti o se faaoogalima, O le lipoti mai le 7Neews ile aso ua faailoa ai e lei iai le fanau a le ua maliu I le fale ile taimi na tupu ai le faalavelave.
O si ana fanau e toatolu ei lalo uma o le tai 6 tausaga le matutua. O leisi alii 25 tausaga mai Millicent na pueina e leoleo I le nofoaga lea ma faatalanoa e tusa ai o le faalavelave, lea la ua molia e leoleo ile fasioti tagata.
Faamatalaga a tuaoi ua taua ai o si tamaitai ua maliu ma si ana fanau faatoa mei atu I le amataga o le tausaga nei I lea fale mae talitonuina sa fai sa la mafutaga ma se alii ae le o le tama lea o tamaiti. O loo faagasolo nei sailiga a leoleo.
