Ua molia nei se alii mai Sini ua feta’ua’ina lona aumaia i le atunuu o le tusa ma le 281 kilo o le aisa ua faaliusuavai ma faapea o le olive oil.
Ua lipotia i le 9News i le asō na maua e leoleo a le AFP le uta lea pe a ma le 39 miliona le tau, mai se loli i Fairfield i le masina o Iulai i le tausaga nei.
Na faatino suesuega a leoleo i se nofoaga i Granville ma o le asō na fuafua e tulai ai le tagata lea i luma o le faamasinoga..
O loo feta’ua’ina leoleo e ono iai se sootaga o le tagata lea i faalavelave fuafuaina e kulupu mai fafo lea latou te aumaia faasolitulafono fualaau faasāina nei i le atunuu e aofia ai nisi o kegi tietie pasika.
