Ua molia nei e leoleo le alii o Ibrahem Hamze ma ua aveina mai nei mai Kuiniselani i Sini e tali I ona moliaga eseese. O ia moliaga e aofia ai le fanaina o se tagata ma le faamoemoe e fasioti atoa ai ma moliaga tau auupega.

Fai mai le ABC ole faamatalaga a leoleo ua faatele ona lapataia lenei alii ile tulaga o soligatulafono ma o le pueina o Hamze o le lipoti lata mai lea I le mataupu lenei o vesiga ile va o aiga e lua o le Allameddine ma le Hamzy I totonu o Sini.

Matauina e talafou le faifaitetele o nei vevesi ma ua le nao se toatasi foi ua maumau ai se soifua mai aso ua mavae. Molimauina e le toatele o tagata i Sini nei ia faalavelave e toeitiiti tai vaiaso ma faailoa mai e leoleo faalavelave e tutupu ile va o aiga nei e lua ae o loo galulue pea leoleo e sailia I latou uma o loo aofia ai.

Ua tele taimi ua lamatia ai soifua o tagata lautele mai nei faiga ma fai mai leoleo e toafa na pueina mai I Sini lava ile aso ananafi ma ua fuafua e tutulai I le faamasinoga I Paramatta ile aso.