Ua pu’eina e leoleo se alii i le mae’a o lipoti o se pepe ua uma le ola mai le faaitu o Otara i Aukilani. Fai mai le One News e 24 tausaga o lea alii o le a tulai i le faamasinoga i le asō i le moliaga o le faaoolima i se tamaititi. 

Ua faagasolo nei le su’esu’ega i le faalavelave o loo ta’ua foi i le lipoti na ave atu ai le pepe i se falemai i Otara mo togafitiga ma e tigaina manu’a.

Fai mai leoleo e fia faailoa le faafetai i le aiga ma i latou uma i le komiuniti na fesoasoani ane i le su’esu’ega. 
Fai mai le asiasi leoleo o loo faaulu iai le su’esu’ega Warrick Adkin e fia faafetaia foi le ‘au poo le team o loo feagai ma le su’esu’ega ona o le galuega fitā na feagai ma latou ma o loo faatalia nei se isi lipoti lata mai o lea mataupu atoa ai ma nisi faamatalaga faaopoopo e uiga i le pepe ua maliu.