E silia ma le toa 100 tagata ua molia nei e leoleo i le mae’a o faiga solo tetee i le Port of Newcastle.

Fai mai lipoti o i latou ia e aofia ai ma se tamā e 97 tausaga ma o tuutuuga o le solo tetee ina ia na o le 30 minute e faatino ai e lei usitaia e le toa 109 lea e aofia ai alii e 49 ma tamaitai e toa 60 faapea tamaiti e toalima e i lalo o le 18 tausaga le matutua.

O i latou uma ia na pueina.

Sa tuuina iai tusi mai le faamasinoga ona sa taumafai e faaaofia atu ai ma tagata i luga o isi vaa i le uafu.

O isi alii e toalua fai mai e 23 ma le 65 tausaga le matutua e lei taliaina le tatala i tua ia tulai ai i le faamasinoga i Newcastle a o le isi vaega uma faatoa tutulai ia Ianuari o le tausaga fou.

O i latou na tuufaatasia lea tetee e faaigoa o le Rising Tide na o latou taua sa faia uma fesootaiga e tusa o faamatalaga manaomia ma o le latou finau foi ua valaau ai i le Palemia ina ia poloka isi poloketi fou tau koale, o loo fuafua i le atunuu.