Ua molia e leoleo le sui faipule o Salega Tasi ia Fepuleai Faimata Su’a i moliaga o le faaufiufi o le mea moni atoa ai ma le faaseseina o mau.

Na faamaonia mai e le alii Komesina i le po anapo ina ua tuuina atu iai fesili, o lē ua molia na toe tatala i tua i le afiafi ananafi e tālia ai lona tulai i le faamasinoga i le aso 27 o le masina nei.

O loo taofia lona tusifolau ma e saini atu i le ofisa o leoleo i Aso Lulu ma Aso Faraile.

O le alii faipule na faamalolo mai lona tofiga o le Minisita Lagolago o le Matagluega o Leoleo i le faaiuga o le tausaga ua mavae ina ua faasala le kamupani vaalele o le Samoa Airways, e le malo o Amerika Samoa ona o lana malaga e aunoa ma se pemita. 

Ua faaalia e le alii Komesina o le mataupu e pei ona molia ai nisi e aofia ai ma Sam o loo aafia ai foi ma le alii faipule.