RJ Aiafi & Sharon Potoi-Aiafi
Photo: samoaglobalnews

Moemiti Rimoni Jr e avea ma tama taalo a le N.F.L i le lumanai

E 17 tausaga o le alii Samoa Rimoni Jr Aiafi lea ua faamanuaina i le faailoga tipiloma i  totonu o Margarita Catholic School i Rancho Los Angeles.

O Rimoni na malaga mai Samoa mo Amerika i le tausaga e 2019 i lalo o se sikolasipi o taaloga i le American Football.

O le mafuaaga o le faamanuiaina ai o Rimoni i lea sikolasipi ona o se malaga a se alii Samoa na taalo foi i lea taaloga lea na asia ai le atunuu i le tausaga e 2019 e faatautaia se polokalame mo le American football.

O i tonu lea na manatu ai loa Rimoni Jr o lona avanoa lea e finau ai mo se sikolasipi.

E ui i le na’o le 15 o tausaga o Rimoni Jr ae ia tuua lava Samoa mo lea sikolasipi na iai le manatu maualuga o lea alo o Samoa o le a faataunuu pea lana miti e avea ma tama taalo o le NFL.

Taua foi e Rimoni Jr e tele faafituali na feagai ai ma ia i totonu o Amerika aemaise lava o le tulaga lea i le na’o ia o se alii Samoa e filogia ai i lenei aoga.

O le faauuina ai o Rimoni ma le faailoga tipiloma o se isi sitepu lea o ana laasaga i le avea ai ma tama taalo o lea taaloga.

O Rimoni Jr. o se alo e faasino ia Lealailepule Rimoni Aiafi ma Tagaloa Sharon Aiafi.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required