O le a lē aofia le alii taalo o TJ Perenara i le ‘au a le All Blacks mo le taaloga lona lua ma Egelani ona o se faaletonu i lona vae.

Ua faailoa e le NZ Herald i le asō na aafia le aao o le alii taalo i le taaloga i le faai’uga o le vaiaso na malo ai le All Blacks i le ‘ai e tasi 16-15 i le taaloga na faia i Dunedin.

O le alii o Finlay Christie e lē taumatea o le a muamua i totonu i le taaloga lea ma ua lipotia foi le valaauina o le ‘afa a le Crusaders o loo iai nei, Noah Hotham i le ‘au.

O le taaloga lona lua o le a faia i Eden Park ma o loo mata’itu foi e le toatele le taimi e faailoa mai ai le ‘au a le alii faiaoga, Scott Robertson.

Puna o Faamatalaga: https://www.nzherald.co.nz/sport/rugby/all-blacks/all-blacks-v-england-tj-perenara-ruled-out-of-second-test-with-knee-injury/NQLUFSQEWBAD3PYEHSAADMI7VA