Tuuu Anasii Leota
Tuuu Anasii Leota

Mautinoa le manumalo ai o Tuuu Anasii i le tofi faipule mo Siumu

Ua mautinoa le avea o Tuuu Anasii Leota o le sui a le HRPP ma faipule filifilia o le Itumalo Siumu ina ua faalauiloa e le isi sui tauva a lea lava vaega faaupufai, afioga ia Tuuu Amaramo Sialaoa le toe ave i tua o lana tagi o le faigapalota lea na faia faasaga ia Tuuu Anasii.

Na fofogaina lenei mataupu i luma o le faamasinoga maualuga i le Aso Tofi 15 o Iulai ma ua tuuina mai ai e le afioga i le Faamasino Sili Satiu Simativa Perese aso e 7 mo le faalauiloaina o le ave i tua o le tagi a le sui tauva ae le’i aloaia loa. O le Aso Tofi 22 o Iulai ua toe tolopo atu iai lenei mataupu.

O Tuuu Anasii Leota o se sui tuai o le Palemene o Samoa talu mai le 1996 peitai na faiaina i le faigapalota i le tausaga e 2016 lea la ua toe finau mai ma toe manumalo ai i le nofoa o Siumu.

O le iuga o le faigapalota tele i le Aso 9 o Aperila na manumalo ai Tuuu Anasii i palota e 633, ae mo Tuuu Amaramo e 391 ana palota na maua.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required