Ao talia se faaiuga a le malo I le aso ia Aukilani faapea isi vaega uma o Niu Sila ma vaega o lapataiga o le po anapo na faamaonia mai ai ua maua tagata e toatolu I Waikato I le faamai
O nei tagata e toatolu o nisi o le aiga e toaiva o le pagota sa I tatala I tua I lalo o tuutuuga, ma ae lei faamaonia siaki o I latou nei anapo o lea na muai faamaonia siaki o lea pagota ina ua toe foi I le toese I Mt Eden I Aukilani I le afiafi o le Aso Faraile talu ai
O le toatolu o lea aiga e aofia ai fanau e aooga I le aoga a Mangatangi I Hauraki Plains, ma ona o lea e lapataiga vaega 2 lea pitonuu o Niu Sila o lea o loo a’e aoga ma na amata faalogoina e se tasi o le fanau auga o le faamai ao iai I le aoga I le Aso Tofi
Ua tapunia ai foi ma lea aoga ma e tuufaatasia tala o le taeao o loo faia feutanaiga I le faia o siaki o aiga e aooga ai a latou fanau
Ua faamaonia mai ai foi e le soifua maloloina ua auina uma atu nei le toatolu ua faamaonia o lea aiga faatasi ma le tagata matua e vaaia I se tasi o nofoaga nofo vaavaaia
Ae mo le pagota lea e fesootai I tagata toatolu o lona aiga, o ia lea o se tasi o le 24 na faailoa mai I cases ananafi, ma o ia foi o se tasi o le toatolu e le fesootai ma cases na muai faamaonia
Faamaonia mai ai foi e le tamaitai palemia ananafi, Jacinda Ardern o lea sa maua I auga o le fulu
Ona o lea sa momoe toalua lea pagota ma se tasi o loo tuli foi ona faasalaga I le sela e tasi I le po o le Aso Faraile o lea ua faanofoesea uma I totonu lava o le toese I Mt Eden I laua nei
Toafa leoleo ua faanofoesea nei ona o lea sa fesootai ma lea pagota, toalima tagata faigaluega I le toese faapea pagota e toa6 ua tulimataia o contacts
O le toe sau o tagata faamaonia o le aiga o lea pagota aemaise le amata faalogoina o auga ao iai I aoga se tasi o le fanau, ua o se tulaga faafaigata ai ma le faaiuga a le malo I le aso ao talia le ono see ese o Aukilani I le vaega 3, ao isi uma vaega o Niu Sila pe ono suia le vaega 2 o iai nei mai le po a taeao pe leai
