Ua maua I le aso le tinomaliu o se tama e 72 tausaga i lologa ise vaega ile itu I matu o Niu Sau Uelese. O le po anapo poo le afa o le valu na lipotia ai o loo tau sailia lea tama ae sa lolovaia foi le faaitu leao Grafton ona o timuga ile aso ananafi faasolo mai I le afiafi.

O lipoti lata mai la a leoleo I le aso ua faailoa ai na maua lona tinomaliu I le tea laititi o le iva I le po anapo ise nofoaga e le mamao ese ma le vaega sa lipotia na iai. E talitonu le au suesue pei ona faamaonia I tala mai le 9 news, o le tama lea e 72 tausaga sa tau sailia.

O loo faia pea suesuega ae na mamafa le pau a timuga itotonu ole 24 itula I le faaitu lea o le setete talu mai le aso lulu o le vaiaso nei.