Maua ni laau faasaina i Samalaeulu Savaii

E silia ma le 1,000 laau mariuana ma ni laau malosi na maua mai i se osofaiga a leoleo na alu i le motu tele i Salafai.

O lea osofaiga na taofia ai ma ni alii se to’a lua mai le afioaga o Samalaeulu Savaii ma ua i lalo nei o le vaavaaiga a le Matagaluega o leoleo. E tusa ma le 1,152 le aofai o laau mariuana na maua e leoleo mai se faatoaga tele i lea afioaga ma laau malosi e 3.

O i laua ua taofia e 35 tausaga ma le 23 tausaga le matutua ma o loo tālia le aso e tulai ai i le faamasinoga e tali o lā moliaga. O loo molia nei laua i le umia lea o laau faasaina.

Na faafetai ai e le Matagaluega o Leoleo le lagolago a le atunuu lautele e ala le ai le vave faailoa atu o ni gaioiga faasolitulafono aemaise lava i vaega nei o laau faasaina. Faailoa foi e leoleo o le faaauau pea o le lagolago a le atunuu o le a fesoasoani tele lea o le faatinoga o le latou galuega mo se Samoa saogalemu.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required