Maua le vae o le isumu i totonu o le garlic bread, ma ua toe valaau ai nei e le Foodstuffs le toe faafoi atu o falaoa nei i totonu.
Ua lipotia e le Herald o le PaknSave i Te Awamutu lea na faatau ai e le tina, ma e faapea o lea na se’i mai lava mai le gutu (tulou) o le atalii 10 masina le matua.
Na lipotia o le taimi lava na faaseā ai le tina i le supamaketi o le taimi lava lea na aveesea uma ai garlic bread mai fata ma faatonuina foi le faia o se suesuega faatopetope.
E lē gata o le PaknSave i Te Awamutu lea ua toe valaau e faafoi atu i totonu falaoa nei, ae faapea foi garlic bread mai isi uma lala a le PaknSave, New World, Four Square ma le Gilmour’s.
Mai le Foodstuffs o lea ua galulue nei ma le matagaluega o le Primary Industries faapea le NZ Food Safety e suesue lenei mataupu.
O lea faatoa masina talu ona mavae atu suesuega i isi supamaketi ta’ua mai ai foi isumu.
