O se tala faanoanoa ua sau nei ua maliu le faiaoga Kalaiesetete e 25 tausaga.

O Isaac Levings, e 25 tausaga o lona soifua, e faiaoga i vasega 3 ma le 4 i le aoga a Elmwood Normal i Kalaiesetete ma o lea na maua lona tino maliu i le afiafi o le Aso Faraile i le Harbour i Ueligitone.

O le alii faiaoga e faapea sa alu i le koneseti a le 1975 sa faia i le po o le Aso Lulu i Ueligitone, ma o le Aso Tofi na lipotia ai o loo sue.

O le Harbour lenei i Ueligitone pe ā ma le toasefulu tagata ua ma’umau ai soifua talu mai le 2006 ma ua toe lagona ai le valaau ua moomia le faia o se suiga e le City Council a Ueligitone ona o le toatele o tagata maliliu e mafua mai i le pa’ūū i le sami.

I manatu o nisi ua moomia le faia o se pa e puipuia ai tagata lautele.

Ae mai le Council a Ueligitone ua momoli faamaisega i le aiga faanoanoa o le faiaoga ma le tala o loo faaauau nei suesuega ma talanoaga a le Council e tusa ma manatu faaalia ua faaoo atu.

O se tala faanoanoa i fanau aoga faapea faiaoga o loo galulue ma le faiaoga a o toe a’e ai i le vaiaso nei mo le kuata lua.