Faamaonia le aafia o le tagata taalo tenisi a Ausetalia Alex De Minaur ile koviti ma ua faamalosia ai le aveesea mai ma le au taalo a Ausetalia ile Olimipeka.

O se tala faanoanoa tele mo sea tagata taalo ma ile faatalanoaga na faia a tusitala ma le Komiti o le Olimipeka mai lea atunuu na faailoa ai le faanoanoa o le komiti ma le taumate le atunuu I le tulai mai o lenei tulaga ae ua lalata sia alii taalo I le faataunuuina o lana miti mo le tausinio ai I taaloga aupito I tele a le lalolagi.

O Alex sa taalo foi I le taamilosaga tenisi talu ai nei le Wimbledon ma o loo mautinoa e lei toe fesootai ma nisi tagata taalo tenisi talu ona foi ane mai lea faamoemoe ile aso lima o Iulai lea sa fai ai leisi ana siaki ae negative. O isi tagata taalo uma foi a Ausetalia ua maua ane siaki e le o aafia.

Momoli ane le faamanuia a sia alii taalo mo le latou au ma faailoa o loo malamalama foi I tulaga uma tau le puipuiga e tusa ai o le aafia I lenei faamai.