Maua le Omicron i Ausetalia, le o mautinoa se suiga mo Niu Sila i le taimi nei

E le o mautinoa se gaioiga vave a Niu Sila I le taimi nei e tali atu ai i le Omicron, aemaise le feoai i le va ma Ausetalia

O le po anapo na faamautinoa mai ai ua maua cases e lua o le Omicron i Sini i Ausetalia, ma e faapea o pasese taunuu mai Aferika i Saute i le po o le Aso Toonai ma o lea na positive mai siaki na faia i le toai taunuu

O le Omicron o le isi lea ituaiga vairusi ua faapopoleina ai nei le faalapotopotoga a le soifua maloloina poo le WHO aemaise tagata suesue, ona e le gata o le saoasaoa ao le aafiaga o le immune system e ese foi

O le gaioiga vave a Niu Sila i le po o le Aso Toonai o lea ua tuu ai atunuu e iva mai Aferika i Saute i le lisi o atunuu e maualuluga le lamatia ma ua faamautinoa mai foi e le palemia, Jacinda Ardern ua tapunia tuaoi o Niu Sila i faigamalaga mai ia atunuu vagana ai tagata sitiseni Niu Sila

Peitai, o le sau o tala i le maua o le Omicron i Ausetalia ua iai nei ma le popolega e ono vave oo mai nei foi i Niu Sila, aemaise o lea ua amata talanoa le traffic light system ma le saolotoga i le va o atunuu e lua lea e le o toe mamao

O Ianuari lea o loo iai le fuafuaga e faanofoesea ai i le fale pasese taunuu mai Ausetalia, peitai i le taeao nei ua faailoa ai e Jacinda e tele nisi suesuega e fia faia ae e le i toe faailoa mai nisi suiga

E ui i tala ua sau i le malosi o le Omicron, e tuufaatasia tala fou o loo faaaauau pea suesuega aemaise pe faamata e mafai e tui ma vailaau o loo faaaogaina nei ona tetee atu i lea vairusi fou

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required