Ua tatou iai i le vaitau o tapenaga o aso fiafia o le faaiuga o le tausaga ma le faamanatuina o le Kerisimasi e faatāua ai le fai meaalofa i ē o manaomia se laveai.

O tau fou o suauu ma penisini i Samoa mo le masina faaiu o lenei tausaga ua maua ai se mealofa lelei mo le au fai taavale i Samoa aemaise auaunaga o loo faaaogā ai ia oloa.

Ua pa’ū le tau o le penisinisi i le 3 tala 23 sene i le lita, e faatusa i le tau e 3.52 sene i le lita sa iai i le masina o Novema.

E faapena le suauu kiso ua 3 tala 57 sene i le lita, o lona tau tuai sa 3 tala 83 sene i le lita.

O le kalasini i le tau tuai sa 3 tala 47 sene i le lita, o lona tau fou ua 3 tala 21 sene i le lita.