Tolu aso ua tapunia ai le aoga tulagalua i New Lynn i Aukilani i le maea faamaonia ua maua ai le case

O lea e faataga na o fanau a matua e galulue i auaunaga taua i totonu o Aukilani e mafai ona o i aoga ese ai kolisi maualuluga lea e faataga na o vasega 11 i le 13, ma o lea sa tatala ai le aoga tulagalua a Arahoe peitai e faatapulaa fanau aoga i totonu o lio poo bubble

I le sau ai o ripoti ua maua se tasi o tamaititi aoga o loo auai i nei polokalame ua sau ai ma le faaiuga o le a tapunia le aoga ae sei faamama

O fanau aoga faapea faiaoga o le a agai uma mo siaki e tusa ma le tusi mai le aoga

Ua tapunia ai ma le aoga i le aso ma o loo fuafua e toe tatala i le Aso Gafua o le vaiaso fou polokalame o loo faatapulaa ai fanau i totonu o le bubble, seia vagana ai ua iai se isi suiga mai le soifua maloloina