E 50 kilokalama le mamafa o cocaine na maua i le uafu o Tauranga.

O loo masalomia o le uta lenei na sau mai Brazil i le masina o Fepuari ma e toafā alii na muai taofia ai e leoleo ma le isi toafitu na mulimuli maua i suesuega na faia i fale i Aukilani ma Tauranga.

O nisi o i latou nei e faapea o sui sinia o se tasi o kegi lauiloa.

O loo tālia nei se aso e tutulai ai le 11 ua molia i le aumai faasolitulafono o fualaau faasāina nei i totonu o Niu Sila.

Ua faamautinoa mai e le vaega o tiute, o lea o loo galulue faatasi nei ma uafu faapea leoleo e lē gata i uta e aumai i le ea ae faapea uta o loo omai ma vaa a lalo.