rapid Covid-19 tests

Maua i supamaketi a Ausetalia rapid antigen test kits

O le vaiaso fou lea o le a mafai ai ona faatau e tagata Ausetalia rapid antigen test kits mai supamaketi

O se isi faiga o loo faaaoga nei e suesue ai le aafia o le tagata i le Koviti, ma o le aso muamua o Novema lea ua faailoa mai o le a mafai ai e tagata Ausetalia ona faatau ma faaaoga i fale faapea galuega e aunoa ma le tau moomia o se fomai na te faia

Faaalia e le palemia ia Scott Morrison ananafi, e le o iai se fuafuaga a le malo e ofo fua mai nei tests i lalo o le Medicare, ma e le o iai foi ni aiaiga e aiaia ai nofoaga e mafai ona faatau ai seia vagana nisi o itu tatau ona mulimulitaia i faasalalauga faapisinisi

O antigen test nei e mafai ona vave maua le faaiuga o siaki pe tusa ma le 15 minute, ma o le supamaketi a le Coles lea ua sau tala o le a muamua o latou faatauina

Tuu mai ia Niu Sila, ua faailoa e le Countdown lea o loo faamalumalu i lalo o le Woolworths a Ausetalia, e le o iai se manatu latou te sapalaiina lea oloa i totonu o Niu Sila ma o le a tuu pea i le matagaluega a le soifua maloloina

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required