Ua molimauina le lagolago pea o le atunuu i le galuega a leoleo o le sailia o tagata ma nofoaga o loo faia solitulafono e fesootai i le umia o fualaau ma laau faasāina poo nakoti, e pei ona faailoa ai e le matagaluega o leoleo falepuipui ma le toe fuataina le maua o ni tagapepa iila laiti ua fafao ai ni pauta papa’e e masalomia o aisa, i se osofaiga i le faaiuga o le vaiaso i se aiga o le nuu o Fatausi i Savaii.
Na maua ai foi ma se tinoitupe faapea ni fagu malosi.
E 53 tausaga o se tamā ua molia ai ma o loo nofo taofia nei i le vaavaaiga a leoleo e faatali ai le aso e tulai ai i le faamasinoga e tali i moliaga o le umia o nakoti poo le possession of narcotics.
