E 43 tausaga o se alii ua molia e leoleo i le faaleagaina ma le tusitusia o maa faamanatu poo le NSW Police Wall of Remembrance i Sini i se gaioiga ua faamatalaina o se gaioiga pa’aā ma le lē manuia.

Na pu’eina ma taofia e leoleo lenei alii mai Glebe i le aoauli ananafi i le maea o a latou suesuega ma ua faamaonia mai lea faamatalaga e le Komesina o Leoleo o Karen Webb.

Fai mai le Komesina o loo faatali e faatalanoa ma suesue e leoleo ao lei tulai i le faamasinoga. O le nofoaga ua faaleagaina o se nofoaga faapitoa mo Malu o le Malo aemaise o loo faamauina ai suafa o i latou sa tautua i le galuega lea ma ua maumau ai soifua mai le silia i le 160 tausaga talu ai.

O le faaleagaina o lea nofoaga pei ona saunoa le Komesina, o se tulaga lē lelei tele lea mo leoleo ma ua fiafia ua maua lē ua tuuaia i lenei mataupu ae ua faia nei galuega mo le toe faaleleia o sea maa faamanatu mo nai malu o le malo ua maliliu ao faatino o latou tiute.  

Puna o Faamatalaga: https://www.9news.com.au/national/wall-of-remembrance-the-domain-sydney-vandalised-investigation-underway/fe6dd3e7-a9bc-4c95-96a4-1d374522f817