Ua vave ona oo mai le taimi e faamuta ai le avanoa e toe talosaga ai le au avetaavale i Niu Sa Uelese mo tupe e toe maua ane mai a latou lesitala o taavale ona o lea o le a lata ina mae’a le taimi o le toll relief scheme.
O le aso a taeao, 30 o Iuni e mae’a ai lea faiga ae toeititi 100 afe avetaavale o loo agavaa i le fesoasoani lea ae lei faia iai ni talosaga.
Fai mai le Service NSW o avetaavale e agavaa mo le totogiina na o le ‘afa o le lesitala o le taavale mo le 12 masina pe afai ua o latou faaalu le $877 pe sili atu i tolls i tausaga faaletupe ua tuanai.
O avetaavale e agavaa mo le 12 masina o le lesitala o le taavale e faia fua pe afai ua faaalu le silia ma le $1462 i tolls.
Ua lipotia o le agai atu i le lumanai o le faiga la o le cashback scheme lea o le a suia le faiga lea i le faaitiitia o tupe totogi i lesitala o taavale.
