Search
Samoa Hospital
Maota gasegase o Tupua Tamasese i Motootua

Mata’itu e le Matagaluega o le Soifua Maloloina le pepesi ai o le HIV i Fiti

Ua fautuaina e le matagaluega o le soifua maloloina a Samoa le atunuu ina ia malamalama i le tulaga ua iai nei le pepesi o le siama o le HIV i totonu o le malo o Fiti.

I se pepa o faamatalaga mai i le matagaluega ua ta’ua ai e toa 415 tagata Fiti na faamaonia ua maua i le siama o le HIV i le tausaga na tea nei.

E toa 404 tagata matutua ma fanauiti e toa 11. 

O se numera tele pe a faatusatusa i le tausaga e 2022 e na o le toa 245 tagata na faamaonia ua aafia i le siama.

Mo Samoa na gata mai lava i le tausaga e 2020 le iai o tagata ua aafia i le siama.

O le taimi nei e toa 12 tagata Samoa o loo ua pesia i le siama, ma o loo mata’itu e le matagaluega ma faatino foi i ai togafitiga.

Ae o loo faamauina pea le numera o tagata ua aafia i siama e afua mai i feusuaiga se’i tulou, ma e oo ai lava ina maua i le faamai oti.

Talu ai ona o le latatala o Samoa ia Fiti, ua fautuaina ai e le matagaluega le atunuu lautele ina ia faia siaki ma ia tausisia auala o puipuiga.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required