Na faate’ia le to’atele o tagatānuu o le aai o Wiuku, ina ua sasao ane se afi i se tasi o nofoaga ua ta’ua o le recycling centre i le po o le Aso Gafua o lenei vaiaso.
Ta’ua poo le itula e 11 na tula’i mai lea faalavelave.
O le mea mata’utia o loo iai masalosaloga a sui o ofisa o le tineimu ma leoleo na susunuina ma le loto iai e se tagata lea nofoaga tele i Waiuku.
I tulaga o lenei faalavelave, faamauina e maua lelei le 5,000 o mita faatafafā o pepa uga ma pusa la’uoloa poo shipping containers na aafia i le malaia.
Faaalia le malosi o le afi, ma na molimauina le oo atu i le 16 taavale tineimu na tali atu e tau tineia le afi.
Māua poo le itula e 5 i le vaveao na faato’ā iloa le faaitiitia o le sasao o le afi mai le taimi atoa na taumafai ai sui o le tineimu ma faalavelave tutupu faafuase’i.
Na fautuaina tagatānuu o loo nonofo lalata i lea nofoaga e mālōlō lelei i totonu o fale, ia loka lelei faitoto’a ma faamalama mai le sao atu o le asu mai le mū.
Maitauina le lē mafai ai ona uia e se tasi o fale taavale poo se auto shop talu ai aafiaga ma ua poloka i le tele o vaega na faaleaga i le afi.
O loo faatino su’esu’ega mo le māfua’aga tonu o lea faalavelave mata’utia.
Puna o Faamatalaga: https://www.rnz.co.nz/news/national/579890/warning-to-locals-as-huge-suspicious-recycling-centre-fire-spews-smoke-over-waiuku
