Ua masalomia o se isi faigamalo lea na osofaia faamaumauga a le faletupe tutotonu a Niu Sila le Reserve Bank
Ua faailoa e le kovana o le faletupe, Adrian Orr, na vave ona gaioi ma taofia le liki I atu I fafo o faamaumauga a le faletupe, ma e le o mautinoa poo le a le tele o faamaumauga ae o a foi faila ua liki atu ia I latou na osofaia le system, pau o lea e ono aafia ai faamaumauga a tagata taitoatasi faapea pisinisi
O lea ua momotu mai le system a le faletupe mai sootaga tau ile initeneti ae sei faagasolo suesuega
Ae I masalosaloga o le polofesa mai I le Iunivesite I Aukilani, Dave Parry I tala a le leitio a Niu Sila, e masalomia o se osofaiga mai se isi faigamalo, fua agai I faamaumauga faavaomalo o loo osofaia
Saunoa foi le alii polofesa, e le fou osofaiga faapenei I nei ona po ma o ni faiga o loo faaauau pea
O le tausaga foi talu ai na osofai ai le system o le maketi o fefaatauaiga a Niu Sila, poo le New Zealand Stock Exchange
