O le ava malosi ua faaalia e le Matagaluega o leoleo e fesootai le mafuaaga o le faalavelave tau taavale lea na tulai mai i le afiafi o le Aso Toonai na te’a nei i Leusoalii i Luatuanuu ma fano ai ni soifua o ni tagata se to’alua e aofia ai se tina.
E tupu lea faalavelave a’o lumanai ai le faamanatuina o le Aso Sa o Tamā i Samoa ma o loo faaauau ai pea suesuega a leoleo.
O loo masalomia o le avetaavale ae o loo tagofia le ava malosi na mafua ai ona taofia e leoleo le faatonu Sinia o le Niusipepa o le Samoa Observer i le aoauli o le Aso Tofi ia Savea Sano Malifa.
E pei ona ripotia e le Niusipepa o lea tulaga na tupu a’o faia poloka masani a leoleo i le aoauli o le aso lava lea ma o le galuega masani e siaki ai laisene o avetaavale, siaki ai foi taavale pe ua maea ona laiseneina faaletulafono ma siaki ai foi ma avetaavale poo tagofia le ava malosi.
