Search
Search
Photo Credit: Samoa Weightlifting Federation Inc.

Maoa’e le sii a Sanele Mao i le Oceania i Aukilani

E ui e lei ausia e Sanele Mao, le pine auro o le la tauvaga ma le alii o David Liti o Niu Sila, ae ua faailoa le maoa’e ma le maualuga sa iai le sii a le susuga ia Sanele i lea faamoemoe. 

O Sanele sa masani ona sii ma koleni i le 200kg le mamafa o lana sii na ia ausia, peitai o le la tauvaga ma le alii o David i le Aso Sa na maitauina ai le finau o lea alo o le atunuu i lana ia vaega o le Super poo tama matu o le tauvaga. 

O le paga lea sa tulimatai e le toatele o le aumaimoa i le Aso Sa poo ai o le a ulaina le pine auro. 

O le sii mālōlō sa tauva pea i laua i le mamafa ma sa oo ai lava i luga i le 230kg le mamafa sa iai le sii lona lua a le susuga ia Sanele Mao ae sa tutusa lelei foi ma le susuga ia David Liti. 

O sii mulimuli na toe faaopoopo ai loa i luga i le 236kg le mamafa ma o lea sa sii muamua ai loa le susuga ia Sanele ma sa lē mafai ona faamanuiaina lona taumafai ae sa sii ai loa le susuga ia David Liti ma manuia lana sii mulimuli ma manumalo ai loa Niu Sila i le pine auro i le tauvaga a le Super i le va o Sanele Mao ma David Liti o Niu Sila. 

O le agaga faafetai a le susuga ia Sanele Mao i le latou faiaoga aemaise o le latou ‘au atoa ona o le suiga sa iai lana sii i lenei tauvaga, o le upu moni o lana sii sa gata i le 200kg le mamafa peitai o lea ua sau i lenei tauvaga ma ua telē le tulaga ua sii agai iai i luga le mamafa o lana taumafaiga. 

E iai le talitonuga o le alii o Sanele, o le a tapena mo Thailand auā le faamautuina o lona avanoa mo taaloga o le Olympic i Pale i Falani i le tausaga nei. 

Tala sili ona faitaulia

POLOKALAME A LEOLEO

Tala mai samoa

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

Keep uptodate with Radio Samoa activity & promotion

* indicates required