O le manumalo o le Football Ferns i le po anapo i le la taaloga ma Norway i le taamilosaga o le Ipu o le lalolagi i le soka a tamaitai, o se tala fiafia lea se’i suia ai lagona o le faanoanoa ma le faate’ia na iai Aukilani i le aso ananafi i le faalavelave e pei ona silafia e le toatele.
O le faatalanoaga a le sui pulenuu o Aukilani Desley Simpson i le Breakfast i le taeao analeila na ta’ua ai le tulaga ese na iai le po anapo i le tali ane a tagata i le lagolagoina o le ‘au a le atunuu.
O le isi faafetai a le sui pulenuu na agai tonu i malu o le malo ma le latou puipuiga malu mai lava i le aso ananafi seia oo mai i le po anapo i le taimi o le taaloga.
Na vaaia le toatele o malu o le malo na faafaigaluegaina i le po anapo ma lagona ai e tagata le saogalemu.
O ‘ai o le taaloga o Niu Sila e tasi, o Norway e leai se ‘ai.
O Norway o loo lona 12 nei i le faatulagana o ‘au i le lalolagi ma o se amataga lelei mo le Football Ferns le maua o le malo lea anapo.
