Na vaaia le mataina ole taumafai ale au soka a alii a Samoa lea na manumalo i lana taaloga ma Toga i ai e 3 ile leai. 

Ole tauva ai o le au a Samoa ile OFC Mens Olympic Qualifier i Niu Sila oloo molimauina ai le tulaga ese ole taumafai a alo o le atunuu mo sona avanoa. 

E valu au mai nisi o atunuu oloo tauva i lenei taamilosaga oloo faagasolo mole lua vaiaso. 

I faamatalaga mai le Oceania Football Confederation sa finauina ele au a Toga so latou avanoa e faamalosi ai mo se ai ae peitai sa iai lava le atoatoa o le tapenaga ale au a Samoa ina ia manumalo i la la taaloga. 

Oloo mataitu pea le au ale atunuu mo leisi ana taaloga male au ale Atu Solomona mo sona avanoa ile semi-final ae olea taaalo ai le au a Toga male au a Vanuatu. 

Ole au a Samoa oloo auai ai alo o le atunuu mai Samoa nei ma nisi oloo alala i atunuu mamao.