Fuiono Tenina Crichton
Fuiono Tenina Crichton

Manumalo Fuiono i lana talosaga e lē agavaa le sui a le HRPP i le palota laititi a Falealupo

Ua maea le faamasinoga e ala i le talosaga a le sui o le vaega  faaupufai a le Faatuatua i le Atua Samoa ua Tasi Fuiono Tenina Crichton i le lē agavaa lea o le afioga ia Tuitogamanaia Peniamina Leavai e tauva i le faiga palota laititi a le itumalo o Falealupo. 

Ua tuuina mai e le faamasinoga le iuga o lea mataupu ma ua faaleaogaina ai le auai o Tuitogamanaia o se sui tauva o le palota laititi o loo loma nei. O lona uiga o le a lē faia se palota a Falealupo ae totoe ai loa  itumalo e 6.

O nisi o vaega o le faaiuga a le faamasinoga o le lē faamalieina i lalo o le tulafono o le finau a le itu a Tuitogamanaia e faapea o lana matafale lava lea e tauala atu i lana tautua i le matafale a lona tamā.

O le faaiuga na tuuina mai e le afioga i le tamaitai faamasino Niuava Mata Tuatagaloa ma ua faamaonia ai le avea o Fuiono Tenina Crichton ma sui fou o le Palemene poo le faipule o Falealupo.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required