afioga Fepuleai Faasavalu Faimata

Manumalo Fepuleai Faasavalu Faimata i lana faamasinoga

Ua toe suipi foi le isi sui faipule filiiflia a le Faatuatua i le Atua Samoa le afioga Fepuleai Faasavalu Faimata i le nofoa o Salega 1 ina ua faaleaogaina moliaga o faatosina o le palota na faia faasaga ia te ia.

O le mataupu lea  na finau ai le sui toatasi a le Tautua Samoa  Afualo Dr Wood Salele lea na ia tuuaia ai Fepuleai i faiga faatosina ma le taumafai e totogi tagata mo le palota .

O le iuga a le faamaisnoga na tuuina mai e faaleaogaina uma nei tuuaiga ma ua mautinoa ai le tulai mai o Fepuleai ma faipule filifilia mo lea itumalo mo le isi lima tausaga.

I fafo ane o le fale faamasino na taua e Fepuleai i tusitala ma ofisa faasalalau “E viia pea le agalelei o le Atua ina ua i’u ma le manuia lenei faamoemoe, o lea oute faafetaia ai lo’u itumalo o Salega 1 i a latou tatalo, e ui e umi le faigamalaga peitai e faafetaia ua tuu mai se tali e faafiafiaina ai le toatele”.

Ina ua fesiligia poo a ni polokalame o le a fuafua lona sui e fai mo se manuia o lona itumalo faapea Samoa ae tali Fepuleai “e tele polokalame faataatitia, ae se’i maea lelei ma se’i savali i totonu  o le falefono ona faailoa loa”.

O Fepuleai na manumalo i le faigapalota i le Aso 9 o Aperila i palota e 374, ae o le afioga ia Afualo Dr. Wood Salele  na tulai mai i le tulaga tolu i palota e 359.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required