Ua molimoli faamaisega o upu faamafanafana mai le taitai o le vaega faaupufai e puipuia aiātatau a tagata poo le taitai o le Itu Agai, susuga Tuilaepa L Sailele Malielegaoi, i le tuumalo faafuasei o se tasi o faipule o le Palemene o Niu Sila, o se alo o Samoa le afioga Faanānā Efeso Collins.
I le pepa o faamatalaga faalauaitele mai le ofisa tutotonu o le vaega faaupufai o le HRPP, ua faamatala ai e Tuilaepa uiga tausaafia o le faipule, ma lona loto naunau e faamaopoopo alo ma fanau a Samoa ma le Pasefika i totonu o Niu Sila i mataupu tau upufai poo polokiki.
“O le tuumalo o le sui faipule o le Green Party le afioga Faanānā Efeso Collins o se tala faanoanoa mo si ona aiga i lona toalua ma nai ona alo, aemaise o vaega faaupufai i Aotearoa faapei foi o Samoa o le faasinomaga o ona tuaa”, o se finagalo lea o Tuilaepa i lana faamaisega tusitusia i le gagana Peretania.
“The untimely passing of New Zealand Green Party MP, Faanānā Efeso Collins in Auckland on Wednesday morning, is a blow to his young family and the political landscape of Aotearoa equally so to the people of Samoa, the land of his ancestors”.
Faaalia e le taitai o le Itu Agai o le Palemene o Samoa sa ia molimauina ma mataitu a o avea ma taitai o le Malo o Samoa, le tulaga siitia o taumafaiga a tagata Samoa i Niu Sila, Amerika, ma isi atunuu i le ulufale atu ai i faalagamaea o upufai o malo poo polokiki.
O lana matau foi lea i le soifuaga o Faanānā Efeso Collins mai lona talavou seia oo ina filifilia o se sui faipule o le Palemene o Niu Sila.
Former Prime Minister and current Opposition Leader Hon. Tuilaepa Sailele Malielegaoi said these words this morning as he registered sincere condolences to Efeso’s wife, Fia Collins and their children.
“As a leader I always stay on top of the progress of Samoans involved in politics in New Zealand, Australia and the United States and I have been watching a young Efeso as he strode into New Zealand politics, even when he started getting involved with student politics in Auckland.
“We were all expecting big things from him especially as he worked closely with the less fortunate in South Auckland and the Pacific Islands, a role he was involved with when he was called by our Lord.
As St Paul said in Corinthians 13:13 – ‘And now these three remain: faith, hope and love. But the greatest of these is love’.”
Manuia lau malaga Faanānā Efeso Collins.
