O loo faasolosolo manuia laasaga o le fuafuaga e fausia le Fale Malae I Ueligitone

I se pepa o faamatalaga na sau I tua I le Aso Toonai faatoa uma atu o loo lagolagoina e le gata e taitai Pasefika ao sui o le mana whenua

I lea pepa o faamatalaga o loo manino ai o loo tutu faatasi fanau Pasefika ma sui o tagata Maori e faatu lea fale tele e le gata mo le vaaiga faavaomalo ao se nofoaga e mo tagata Niu Sila uma

Ua faaalia ai foi e le faatonu o le Fale Malae Trust, Adrian Orr le maualalo o le loto e talia le tele o le lagolagosua mo le fale, aemaise o lea o le a tu I le ogatotonu o Ueligitone latalata I Te Papa faapea ai le fale mataaga o Ueligitone

Mai ia Dame Winnie Labana, o lenei fale o se miti ua loa tausaga o fafau mai ma o le a saga faamausali ai faasinomaga o Niu Sila o se atunuu Pasefika

Ae mai ia Leasi Papalii Tommy Scanlan o le Hai Komesina o Samoa o loo I Ueligitone, e taua tele le iai o le fale malae I le taulaga o loo faia ai faaiuga aemaise o lona faatusatuga I le Beehive

O loo iai le naunautaiga ia mafai ona faamaonia uma fausaga aemaise o galuega a konekarate I le ogatotonu o le 2023