E ese mai i le maliu lenei, o le po lava foi o le Aso TOonai na maliu ai le toatasi ona o manu’aga e mafua mai i pulufana, poo ia lea na fana i Taurima Reserve i Point England i Aukilani lava.
E tai fesootai lava foi ma le mea na tupu i le Aso Tofi i le taulaga faatau i Aukilani, o feeseeseaiga lava ae uma ai faalogoina laau malosi ua pāpā.
O lē ua maliu na alu lava ia i le falemai ma ona manu’aga tuga, mulimuli ai uma lona soifua i le po lava lea.
I le po lava lea, na leoina ai foi e leoleo le falemai i Middlemore ina ua sulu atu foi le isi toatasi ma manu’aga e mafua mai ona o pulufana ma o loo suesue pe faamata e fesootai ma le mea na tupu i Point England.
I fafo atu o Aukilani, o ananafi foi lea na fasiotia ai le toatasi i Palmerston North e mafua foi i laau malosi, ma i lipoti a le Herald e fesootai ma faiga a kegi.
O mataupu uma ua ta’ua na faaaoga ai laau malosi, o loo tau sailia pea nei tagata na faia.
