Faamanu’alia le tamā a o agai atu ai e momoli lona alo i le aoga i Waikato i le taeao ananafi. 

E lē tasi se pulufana na faalogoina i fafo ane o le aoga a Taupiri pe tusa o le ‘afa o le iva o le taeao ananafi, ma e lē gata na faamanu’alia le tama ae na tapunia ai ma le aoga mo nai itula. 

Mai leoleo e tusa ma molimau o lea sa tafana agai le taavale a lē ua faamanu’alia a o agai atu ai e tuu lona alo i le aoga. 

Mai lea nofoaga na faaauau ai loa lē na faamanu’alia i le ofisa leoleo tusa ma le 7 kilomita le mamao ma faatalosaga mo se fesoasoani. 

Faamaonia mai foi e leoleo e le’i manu’a ona o pulufana ae ona o tioata taei. 
Ta’ua mai ai e silafia e lē ua faamanu’alia lē na faia lenei gaioiga, ma o loo su’esu’e nei foi se tasi o mataupu na tupu i le Aso Gafua e talitonu leoleo e ono fesootai ma ananafi 

E lē o iai se talitonuga a mea e fesootai ma vesiga a kegi o loo iai nei, ma e tuufaatasia tala o le taeao ua toe te’a i tua ma le falema’i lē na faamanu’alia 

Ae mai le nuu o Taupiri, faaalia i lipoti le popole ma le fefefe ona o le mea na tupu aemaise o lea e le’i maua lē na faia.