Search
Search

Manatua tuaa ma taitai o Samoa na amatamea i le faavaeina o le Kolisi o Samoa

I le uluai faavaeina o le kolisi o Samoa i le tausaga e 1953 ma atoa i le tausaga nei le 70 tausaga o le uluai kolisi a le Malo o Samoa, o saunoaga mai le afioga i le Sui o le Fono a Sui Tofia ma le afioga Ie Sui Palemia ua momoli ai le faafetai ma le faamalo aemaise o le toe manatua ai o i latou uma sa amatamea i le faavaeina o le kolisi sa faafailele ai le ola aoaoina o taitai o le atunuu mo le lumanai, a o lei faatuina isi kolisi a le Malo ma kolisi maualuluga a ekalesia i le atunuu.

O le afioga i le Ao o le Malo ma le Sui o le Fono a Sui Tofia sa aoaoina i le Kolisi o Samoa, e faapea foi nisi o taitai o le Malo o loo umia tofiga minisita o le Kapeneta ma faipule o le Palemene.

O nisi foi ua faauluulu iai auaunaga eseese a le Malo, o pisnisi ma faalapotopotoga tuma’oti, a o nisi o loo avea ma loia, faamasino, fomai, inisinia, ma isi tomai ma matata faapitoa.

O se vaega o le saunoaga a le afioga i le Sui o le Fono a Sui Tofia, Afioga Le Mamea Ropati Mualia o se tama tuai o le Kolisi o Samoa.

O le afioga i le Sui Palemia o le saunoaga faamanuia lea mai le Malo mo le 70 tausaga o le Kolisi o Samoa.

Le saunoaga a le Malo mai le Afioga Tuala Tevaga Iosefo Ponifasio o le Sui Palemia.

O le vaiaso atoa lenei o loo faagasolo ai polokalame o le 70 tausaga o le Kolisi o Samoa.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required