Search
Search
Photo: SVSG Samoa

Manatua pea tina ma fanau teine ua sauaina i le faamanatuina o le Aso Sa o Tina i Samoa

O le tausaga nei ua atoa iai le 21 tausaga talu ona faamanatu i Samoa le aso o tina o le lalolagi ma avea ai le Aso Sa lona lua o Me i tausaga uma e faatāua ai tina o le atunuu ma lo latou sao i le saogalemu, o le puipuiga ma le atinae o aiga, nuu, ekalesia ma le Malo.

I le faalapotopotoga o le Toomaga mo ē Puapuagatia o loo faauluulu i le tina le faletua o Siliniu Lina Chang, ua ia aumai i se tulaga lautele lana faamanuiaga mo tina uma o le atunuu ae manatua ai foi tina nofotane ma fanau teine ua sauaina ma sa sulufai atu i le faalapotopotoga mo se fesoasoani.

Ua faailoa e le Pelesetene o le Toomaga e lima afe tina o le atunuu o nofotane sa sulufai atu ona o sauaga ma mafatiaga o le tino ma le mafaufau, ae lata i le 2 afe fanau teine ua sauaina sa saili fesoasoani atu.

O le lagolago a le itupa o tama tane i le galuega a le Toomaga o se isi lea o vaega ua faatāua e le tamaitai Pelesetene i lana feau faamanuia o le Aso Sa o Tina o lenei tausaga.

Pe ana lē seanoa le lagolago a i latou e lē mafai ona ausia nisi o vaega tāua ua oo iai le auaunaga a le Toomaga mo ē Puapuagatia.

Tala sili ona faitaulia

Tala mai samoa

TALA FOU MAI SAMOA

TALA MAI NIU SILA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required