Search
Photo by Government of Samoa

Manatua pea le 143 tagata i Samoa na fano soifua i le Galulolo poo le Tsunami

O le 143 o tagata na fano soifua i Samoa ona o le galulolo poo le tsunami na aafia ai ni vaega o nuu ma afioaga o le motu o Upolu, na atoa i le aso 29 o le masina o Setema ua alu atu nei, le 14 tausaga talu ona tupu lea faalavelave matautia faalenatura na amata nai i ni mafuie malolosi se lua, ae taualuga i galulolo, na aafia ai ola ma soifua, ae na faatama’ia ai foi ma faaleagaina meatotino tāua ma aogā.

O le uluai tausaga talu ona tupu lea faalavelave sa faamanatu ai e lo tatou Malo i lena taimi, ma tausaga na sosoo ai sa faamanatu lava e aiga o nuu na aafia ma manatua o latou tagata na maliliu ai.

O le tausaga nei faatoa toe faia ai e le Malo se sauniga e manatua ai i latou na fano soifua i le tsunami, ma avea ai le afioga i le Sui Palemia ma nisi o Minisita o le Kapeneta e fai ma sui o le Malo e molimoli pale fugalaau i le tuugamau tele o loo i le fanua maliu o le Malo i Tafaigata o loo teu ai nisi na maliliu i lea faalavelave.

Le afioga i le Sui Palemia le afioga Tuala Tevaga Iosefo Ponifasio i se vaega o lana saunoaga faamaise ma faamafanafana e manatua ai o tatou tagata, ma nisi mai atunuu mamao na maliliu i le tsunami poo le galulolo i Samoa i le aso 29 o Setema o le tausaga e 2009.

E manatua pea i latou o ē pele ma mamaē i loto ma agaga.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required