Search

Manatua e le malo le Afuamaimauga i la latou faasoa

E lei faagaloina e le malo le nofoaga o tamā ma tina matutua i Mapuifagalele faapea Mapuiipulotu i la latou meaalofa faasoa o seleni fesoasoani.

Ua sainia e le matagaluega o tina ma tamaitai le maliega o le faamatuu atu o se vaega tupe e fesoasoani ai i nofoaga e lua o loo gafa ma le tausiga o tina ma tamā matutua e lē gata i Upolu nei ae faapea foi ma Savaii.

E $50,000 tala le seleni mo le Mapuifagalele ae $20,000 tala mo le nofoaga le Mapuipulotu i Salafai.

Na faaalia e Sister Christina, o le tamaitaisa pule mai Mapuifagalele, o lea fesoasoani ua tauaao ai le Matagaluega o le a faaaogā e faatau ai nofoa faataavalevale, o moega ma nisi o meatotino e manaomia mo le tausiga o tina ma tamā matutua. 

O oloa aupito sili ia ona moomia mo le tausiga o tamā ma tina matutua.

E lata i le 50 tamā ma tina matutua o loo aumau i le taimi nei i Mapuifagalele, e toa 5 tamaitai tapousa, ma le aufaigaluega e silia i le toa 20.

Na faafetaia e Sister Christina, le fesoasoani mai i le malo, aemaise o pisinisi, kamupani, ekalesia faalapotopotoga ma tagata taitoatasi mo foai alofa ma tupe e fesoasoani ai i le galuega.

O fesoasoani a le malo, mo le Mapuifagalele ma Mapuipulotu na pasia i le tala faatatau autu o le tupe 2023 – 2024.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required